Oljuleitingarmøguleikar á føroyska landgrunninum

Fyrsta umfar av kolvetnisleiting á føroyska landgrunninum byrjaði við stórum bjartskygni, har ein til tíðir kundi fáa ta fatan, at kolvetni var so gott sum funnið. Fyrstu fýra boringarnar góvu jalig úrslit, men tó ikki úrslit sum kundu liva upp til optimismuna undan boringunum. Eitt av beinleiðis úrslitunum av fyrstu fýra boringunum í Juddlægdini var, at tann leitimyndilin, sum var málið í teimum fyrstu boringunum, vísti seg at vera svikaligur, og tí var neyðugt at hugsa um, hvørjir aðrir møguleikar vóru á føroyska landgrunninum.



Myndin vísir goymslugrýtið, ið er funnið í Hetlandsrennuni (gult), gráar súlur vísa, hvar leitað er ávíkavist á bretskum og føroyskum øki, meðan grønu/reyðu blettirnir vísa, hvar olja/gass er funnið.

Heri Ziska skrivaði eina grein um hesar møguleikar til Frøði. Ein pdf versión av hesi grein kann takast niður her (2.8 MB). Ein líknandi grein (233 kB) varð skrivað til blaðið Offshore í samband við ONS í Stavanger 2004, og ein vísundalig grein (10 MB) varð prentað í proceedings frá Faroe Islands Exploration Conference 2004.