1. Froðba - Jardfeingi

Súlugongir og viftur í Froðba

Lava, sum skýtur seg upp í rivur ella inn ímillum aðrar fláir og storknar har, verður rópt innskot ella innskotin grótsløg. Lava kólnar og storknar, tá ið hon ber við kalt. Tá tódnar hon, og rivur koma í. Hesar rivur ganga vinkulrætt inn á tí køldu flatuna. Rivurnar fáa basaltið at støkka sundur í 4, 5 ella 6-hyrntar stabbar. Har lava hevur runnið eftir sløttum lendi, eru stabbarnir loddrættar og einsháttaðar, nett sum súlugongir.

Har lava rennur eftir ójøvnum, knortlutum lendi, bendast stabbarnir ymsar vegir ella fáa viftuskap. Sama hendir, tá ið lava storknar á vátligum lendi ella rennur út í lægdir við vatni í.

Kort yvir jarðfrøðina kring Trongisvágsfjørð. Myrki grøni liturin er niðastu fláir, og ljósari grøni liturin er miðfláirnar. Reyða linjan er kolalindin.

Niðanfyri eru nakrar myndir frá Kulugjógv og stabbum í Froðba. Bøkurnar "Føroya jarðfrøði" og "Øldir og upphav", sum Jóannes Rasmussen hevur skrivað, greiða nærri frá jarðfrøðini í Suðuroy.

Viftan við Kulugjógv í Froðba

Høgt stabbagrót framm við vegnum í Froðba

Við sjóvarmálan eru eisini brotstabbar at síggja.