Býir standa fyri meginpartinum av orkunýtsluni og CO2-útlátinum í heiminum. Um útlátið skal skerjast, eru kommunurnar ein týdningarmikil faktorur. Tær kunnu stuðla undir felags norðulendsku visjónina at broyta til grønan vøkstur og fossil orkuóheft ella CO2-neutral samfeløg í framtíðini.
Í 2010-2011 setur Norðurlendska Ráðharraráðið orku og orkurelateraðar veðurlagsspurningar ovarliga á dagskrá hjá norðurlendska samstarvinum. Teir norðurlendsku orkuráðharrarnir løgdu tí í gjár fram verkætlanina ”Nordisk Energikommune”. Hetta tíðarskeiðið vara danski og finski formannsskapurin av verkætlanini.
Endamálið við ”Nordisk Energikommune” er at taka fram og styðja uppundir tað, sum norðurlendsku kommunurnar leggja fyri í sambandi við burðardygga orku og orkurelateraðar veðurlagsloysnir. Verkætlanin viðurkennir kommunur, sum gera ein serligan innsats fyri slóðbrótandi og nýskapandi loysnir í samspæli við menningina av lokala vinnulívinum og økismenningini.

”Nordisk Energikommune” fer at nominera í mesta lagi tríggjar kommunalar verkætlanir í hvørjum norðurlandi og í sjálvstýrandi økjunum og við nominering av einari Nordisk Energikommune at seta burðardygga orku- og veðurlagsloysnir í teimum norðurlendsku kommununum í miðdepilin. Allar nomineraðu verkætlanirnar og vinnarin fara at vísa, hvussu norðurlendskar økiskommunur kunnu hjálpa til við sjónligum og haldgóðum íkøstum til grønan vøkstur og orkuveiting í framtíðini. ”Nordisk Energikommune” vil gera sítt fyri at økja tilvitanina um burðardyggar orkuloysnir hjá lokalu aktørunum og skapa ein pall fyri samstarvi millum norðurlendskar kommunur.

Á heimasíðuni www.nordicenergymunicipality.org finnast fleiri upplýsingar um verkætlanina, umsóknartilfar til kappingina o.a. Heimasíðan virkar sum ein gluggi bæði í og uttanfyri Norðurlond fyri mongu lokalu norðurlendsku orkuloysnirnar. Allar nomineraðar verkætlanir verða at síggja á heimasíðuni.
Fakta um kappingina:
- Allar norðurlendskar kommunur við slóðbrótandi orkuverkætlanum kunnu luttaka, tó kann hvør kommuna í mesta lagi lata inn eina orkuverkætlan.
- Ein kommunal orkuverkætlan er at skilja sum ein verkætlan, sum er partur av bygnaðinum hjá kommununi, kortini er ikki avgerandi neyðugt at kommunan er verkætlanarleiðari
- Hvørt norðurland og sjálvstýrandi øki kann nominera trý evni.
- Útvaldu kommunurnar verða væntandi almannakunngjørdar á vári 2011
- Vinnarin verður valdur av eini norðurlendskari dómsnevnd.

Vegleiðing til umsókn fæst her
Umsóknarblað fæst her

Meiri fæst at vita við at skriva til km@jf.fo ella venda sær beinleiðis til Jarðfeingi, tlf 357000.